الرئيسية
أحدث الصور
عواشه النجع الإثنين يناير 17, 2011 2:13 pmالغـــــوله
كلمات::علــــي الكيـــــلاني
غنــــاء::هـــالــــه محــمــود
اليل ...اليل ...اليل ابطوله
ونا انقول كيف أمــــي اتولي غوله
مانمت نتقلب....نتقلب
اليل عوافي
ونا واقضه والع الضيئ وطافي
وماحسبت مولاات الحليب الصافي
اتغلض علي الكبد ليها صوله
وغربال في ايديها وسة مشافي
ولعيون حمره وفم هذا صوله
ونا كنت نسمع بحبيب الجافي
وماني امصدق لين ريت الغوله
ونا جيتها زايد عليها اريافي
وهي اتكر وانا انفر جوله بجوله
وتريت الضاهر وغالب اللي خافي
وتريتا حليب امي بطل مفعوله
اليل ...اليل ...اليل ابطوله
ونا انقول كيف أمــــي اتولي غوله
مانمت نتقلب....نتقلب
اليل ايهود
اتجيني الغوله فيه مش متعود
انشوب انوخر لا وراء ونزود ونكمل كلامي انقول لولا لولا
لولا غلاك عليه العقل ما جداك يا علم
اليل ايهود اتجيني الغوله فيه مش متعود
انشوب انوخر لا وراء ونزود ونكمل منامي انقول لولا لولا
انحوم علي فراشي اتقول غير انرود
وهي اتقول يبرم على القفاء قولوله
واخد كتاب الله فيه انجود
خايف من امي ومتكل على الموله
اليل ...اليل ...اليل ابطوله
ونا انقول كيف أمــــي اتولي غوله
مانمت نتقلب....نتقلب
مش فاهمها
امي اتجي غوله ولا نهضمها
السابق غير رابطه محزمها
قدام خلق الله مش معقوله
جيت شورها بلطف بنفهمها
جت لغزيل فيه قولة لوله
من عند ربي صورته رسمها
ساقه رقيقه ورقبته مسلوله
ترد كشت وين جيت بنكلمها
تريت حق يا مطول احبال الدوله
اليل ...اليل ...اليل ابطوله
ونا انقول كيف أمــــي اتولي غوله
مانمت نتقلب....نتقلب
هي هي
جت غايره تالي اليل عليه
قاضه محزمها غير في سوريه
اللي قبل من عيل الجار خجوله
وفي يدها عجينه وجلف خبزه نياه
وعكوزها من السدر هذا طوله
واللي دوايا قبل تمت ليه
واللي هي السابق بدت منطوله
موليه خشينه ناسيه الحنيه
خفيفة الحجه وسايبه وعجوله
ايدي علي خدي خبطة ايديه
وقلبي وقف والداكره مشلوله
واللي قبل شرهابه اترحب بيه
اتقول مش ولدي وكل شيئ ديروله
لا تضوقوه لوكال لا لميه
ايضوقها وقلو كل شيئ من حوله
وريتها وشمه وعلامه فيه
قات نسيتني من الزمان وهوله
تريته الله...الله تقتل فيه
تبيني انجرب بيش هي مقتوله
ساعتين واقف وهي اتحوم عليه
ولا قدرت نجلس والوطاء مبلوله
لاقات نطرحله البطانيه
والله حصيره بايده مدوله
اتريد الودوده ما تبيش الجيه
وتريتها كيف علتي معلوله
اتقول ما تقوليش لين فيه
وتشيلني في وين هي مشيوله
مادير ها المطار كانها حيه
غير قلت كلمه لعرب مقيوله
وهي قداء القدره الرابنيه
واللي تجي من قدرته مقبوله
وهذه القصيده لمتي العربيه
بيش ما يشك حد في اللي انقوله
اليل ...اليل ...اليل ابطوله
ونا انقول كيف أمــــي اتولي غوله
مانمت نتقلب....نتقلب
