نجع عشاق الشاعر الليبي علي الكيلاني

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
نجع عشاق الشاعر الليبي علي الكيلاني

نجع محبي الشاعر الكبير علي الكيلاني


    ***جروح معتصم ***

    avatar
    عواشه النجع


    عدد المساهمات : 31
    تاريخ التسجيل : 27/03/2010
    الموقع : نجع هلي

    ***جروح معتصم *** Empty ***جروح معتصم ***

    مُساهمة  عواشه النجع السبت يونيو 28, 2014 12:45 pm

    جروح معتصم ماهن جروح رصاص
    اختام ووسمه ايقولن نبو الخلاص

    اختام قياده
    وسام شرف فوق صدره وصدر ابلاده
    فارس ولد فارس قوي ليراده
    مولع السبسي. مقابله ترباس
    في كانتيره تبان كي لقلاده
    ويبان دمها كيف الذهب والماس
    هم ينبحوا فوجها وهو كي العاده
    ينفخ عليهم لين. نفخ. لنفاس
    لكانها بوده حربهم ما راده
    لكن وحل والفاس جي فالراس
    ولولا الناتو. دحرهم ما كادا
    رام في لبريقه. مكدسين اكداس
    لا العار عقب لي اعظام اجداده
    ولا لي خواله. لا حرج. برعاص
    نوو سرت لي هلها. يبو ليباده
    هم يقصفو فيها. وهي حماس
    اعماهم الناتو والذيول جراده
    غازيين مرتزقه بكل اجناس
    يقولوا الله وكبر بكل براده
    سكارا وسراقه وقل احساس
    خلوو الوطن ما خلوش غير رشاده
    وديما الخانب غالب العساس
    مالشط عرض وطول لا الحماده
    لولا النا تو سرت ما تنداس
    فيها اللى عرض. عطاها اكباده
    وفي ترابها استشهد وباع الراس
    قال وفعل. ما غاب في ميعاده
    المصحف قراه مالفاتحه. للناس
    شرق وجنوب وغرب ماله احداده
    لاغاب لاخناس لا وسواس
    باعوا الوطن وعالنين مزاده
    وبعده بدوا لكلينتن. حراس
    قولولهم ما عقمت الولاده
    تولد اللى يجيبولها القصاص
    ايجي يوم حتى احجارها اتنادا
    وينوضولها ما الرمل والحصواص
    وتزغرد اللى ليكبدها كماده
    اتحيد ثوبها لسود اتقيم عراس
    وتسكب صفيه الصابره الوداده
    دموع فرح تبشر بأمل بعد الياس

      الوقت/التاريخ الآن هو الخميس مارس 28, 2024 10:16 am