نجع عشاق الشاعر الليبي علي الكيلاني

نجع محبي الشاعر الكبير علي الكيلاني


    غناوي رحي / الجزء الاول

    شاطر

    المنسق العام
    Admin

    عدد المساهمات : 82
    تاريخ التسجيل : 01/02/2010
    العمر : 48

    غناوي رحي / الجزء الاول

    مُساهمة  المنسق العام في الثلاثاء فبراير 02, 2010 3:28 am

    أنا القلب بايت يخمم والعين باتت سمورة’

    على حيكم يا عزيزين يالندرة وين شورةْ

    سريرن ذهب لريلي فيه وسمس الضحى فيه غابت

    جي دونكم يا بعيدين وكبدي من الوحش طابت

    هيا نجوم الثريا زعم السزي وين داره

    وكال عشب الحنية وقاد للشيخ ناره

    ما فيه غير عجاجات والا الغربة يحومن

    اللي حازكم يا عزيزين انظاري على من يومن

    يا عين خيرك ترفي انشاء الله خبر خير دايم

    ومطول دموعكم تشفى جباهلك ما بي ايلايم

    القيت دارهم بالحلاويق ومراحهم لوَّلاني

    حدر دمع عيني دلافين لوما لزمته عماني

    مثلتكن يا عيوني كيف الشنان البايد

    رشاشيح ما وصلن وهلنا بعاد الردايد

    ساهيتكن يا عيوني باشي تصبرن عن فراقه

    كفوا الدمع وارحموني محال نبدو رفاقه

    زعم يا الغايب تجينا بعد طولت الوحش بيّه

    من الدمع رانا هفينا روينا الصحارى أميّه

    يا ريتني ما عرفته ولا شبّلي ليه خاطر

    تباعد على شبحت العين وخلى دموعي قواطر

    يا درانا وين جيتك عليّ خطر زول غالي

    ويا ريتني ما لقيتك انحسه اريافي لجالي

    اثبتن واشبحن زين طلحات والا بعاير

    ولا كان ريتن الغالي يا ما لكَنْ من بشاير

    صبرتهن ما نفع صبر كففتهن جنِّي ذوارف

    عميّات بالدمع لنظار يبكن اللي موش عارف

    لي عين بالدمع تنهال ولي قلب كاتر خيابا

    على ونس غالي على البال واليوم دونا مجابا

    رحلتو وخليتو زهاوي بالي

    ونبي المحطة في القطا من تالي

      الوقت/التاريخ الآن هو الإثنين أكتوبر 16, 2017 11:57 pm