نجع عشاق الشاعر الليبي علي الكيلاني

نجع محبي الشاعر الكبير علي الكيلاني


    لاباس ماقابلت

    شاطر

    ??? ????
    زائر

    لاباس ماقابلت

    مُساهمة  ??? ???? في السبت فبراير 20, 2010 5:39 am

    لا باس ما قابلت لا طليت حيرتني انشاالله غيابك خيـــــــــر
    سمرتني ليلي مشى تنهيد اللي ماتصير انقول توا اتصيـــــر
    لي الصبح وانا انموج ما مليت اتقول الزعل ينزح انزاح غديـــر
    تكبر اشواقي اتزيد لك حنيت تشرد افكاري في هواك اسيـر
    قتلك اتقولي وجهتك مابيت وتعرف اني في غيبتك بنحيـــــر
    حاولت ناخد جرتك هميت ولو لي جوانح طير كنت انطيـــــــر
    حيرت بعدك للبعيد امشيت قلب في المكلا وعين فاغديـــــر
    لا نقول حايس ونقول صفيت ونقول جالس ولا نقول انسيـــر
    واللي قدرت انقلها قليت والحمل ريشه والقلوب حصيـــــــر
    واللي قدرت انشدها شديت لين الجواجي ايقطرن تقطيـــــر
    واللي قدرت اندسها دسيت في وين ما رنها عيون الطيــــــر
    واللي اتكيد الكاميين كميت وكيف مايقولوا سركن في بيــــر
    واللي اقدرت انعلها عليت لين العلل ما لقيتله تفسيـــــــــــر
    واللي اقدرت انعلها عليت النية نظيفه واللسان حريـــــــــــر
    قلبي دليلي دلني وحبيت والمومن ورا قلبه دليله ايسيـــــر
    وانت اللي من ويوم ريتك ريت ريت الهنا والخير كل الخيـــــر
    وكيف مانتخوف وانت ضي البيت وانت اللي لفوق بيك اعليت
    وكيف مانتخوف وانت ضي البيت من يوم نورته ايفوح عبيـــــر
    قلبي تعلق في الهوى لين جيت وعلي ريحتك فاحت وجاه بشير
    وللي حياني بجيتك صليت والحمد له والشكر والتكبيـــــــــــر
    غنـــــــاء / محمد حســن

      الوقت/التاريخ الآن هو السبت يناير 20, 2018 6:20 am