الكفاف

لها وين أبنلقى كفّاف..نوَت لخلاف

العين على كامل لَوصاف

لها وين أبنلقى كفّاف..أتسيل على كامل لَوصاف

***

نلقى هدّاي..إيكون أمعاي

يساعدني حتى بالرّاي

نبي قرّاي..حكيم ودبّار وورّاي

نبي حكّاي..علي أحسابي ديما يالاي

نبي سهراي..وعاله ومركاب وشوهاي

نبي غنّاي..وفرقة بالعود وبالناي

نبي بكّاي..وطار وعدّاد وشالاي

نبي عزّاي..يعزّيني فـ أصحاب غلاي

نبي داواي..وصاحب خبرة يبري داي

نبي كوّاي..بناره قدّامي ووراي

نبي شرّاي..نويت بيع القلب الغوّاي

نبي دعّاي..يعاوني ماجاب أدعاي

نبي مولاي..إيشيل أرياف

عزيز ربيعه دوبه صاف

عيَيت من الماشي والجّاي..بديت أنخاف

عليها من طعم المنداف

***

نلقى صبّار..إيبرّد نار

أعزاز عليهم دارت طار

إيقيم نهار..وليله يعطيها مشوار

على مهمار..لهيب أركابه دار شرار

إيمين إيسار..إيشلّق ويتيّر عـ الجار

أن فزّ وطار..يريح أنعاله والمسمار

على أمّ أحوار..إيديّر لاجاها غدّار

وشيخ وكار..قدا ناسه عالي لَقدار

اتقول أصدار..أمغطّيها حازي الادوار

ونجع أسطار..وكلّ أجله إيغيّر فالدّار

كما النوّار..أمخضّب فى وديان أكبار

أن صار وصار..ضراريهم تقلع فالعار

أرجاع أعمار..أنظاف أشراف

ولدهم لاشوّب لاخاف

لهَد شرّفهم رجّع ثار..عليها راف

نقذها من فمّ الجيّاف